اسلام آباد: اوگرا نے عوام پر گیس بم گرادیا ۔ گیس 74فیصدمہنگی کردی ۔ سوئی ناردرن کیلئے گیس 74 اعشاریہ 42 فیصد اور سوئی سدرن کیلئے 67 اعشاریہ 75 فیصد مہنگی کرنے کی منظوری دی۔
نیو نیوز کے مطابق اوگرا نے گیس قیمت میں اضافے کیلئے کمپنیوں کی درخواستوں پر فیصلہ جاری کر دیا ہے۔ اوگرا فیصلہ کے مطابق سوئی ناردرن کیلیے گیس کی قیمت میں 406 روہے 28 پیسے فی ایم ایم بی ٹی یو اضافے کی منظوری دی گئی ہے جبکہ سوئی سدرن کیلئے گیس کی قیمت میں 469 روپے 28 پیسے فی ایم ایم بی ٹی یو اضافے کی منظوری دی گئی ہے۔
سوئی ناردرن کیلئے گیس کی موجودہ اوسط قیمت 545 روپے 89 پیسے فی ایم ایم بی ٹی یو ہے جبکہ اوگرا فیصلے کی منظوری کے بعد اضافے کے بعد نئی قیمت 952 روپے 17 پیسے فی ایم ایم بی ٹی یو تک پہنچ جائے گی۔ اسی طرح سوئی سدرن کیلیے گیس کی موجودہ قیمت 692 روپے 63 پیسے ہے جبکہ سوئی سدرن کیلیے نئی قیمت 1161 روپے 91 پیسے فی ایم ایم بی ٹی یو کی منظوری دی گئی ہے۔
اوگرا فیصلے پر اطلاق وفاقی حکومت کی منظوری کے بعد ہو گا اور فاقی حکومت نے 40 روز میں منظوری نہ دی تو اوگرا فیصلے پر از خود عملدرآمد ہو جائے گا۔
