اسلام آباد:(ریاض تھہیم) نیپرانے کراچی کے صارفین کیلئے بجلی کے فی یونٹ میں 7 روپے 43 پیسے کمی کا اعلان کیا ہے ۔
نیپرا کی جانب سے بجلی کی قیمتوں میں کمی کا نوٹیفکیشن جاری کردیا گیا ، نوٹیفکیشن کے مطابق کے الیکٹرک کیلئے بجلی نومبر کی ماہانہ فیول چارجز ایڈجسٹمنٹ کی مد میں سستی کی گئی ہے ، قیمتوں میں کمی کا اطلاق صرف 1 ماہ کے لئے ہوگا .
نوٹیفکیشن کے مطابق لائف لائن صارفین،300 یونٹس تک استعمال کرنے والے گھریلو صارفین اورزرعی صارفین پر بجلی کی قیمتوں میں کمی کے فیصلے کا اطلاق نہیں ہوگا ۔
واضح رہے کہ اتھارٹی نے 27 دسمبر کو کے الیکٹرک کی ایف سی اے کی درخواست پر عوامی سماعت کی تھی ۔