اسلام آباد: وفاقی وزیر برائے منصوبہ بندی اور این سی او سی کے سربراہ اسد عمر نے کہا کہ پچاس سال سے زائد عمر کے افراد کو کورونا کے باعث سب سے زیادہ خطرہ ہے ۔
اپنی ٹویٹ میں اسد عمر نے ایک بار پھر خبردار کر دیا کہ پاکستان میں 2 کروڑ 72 لاکھ افراد کی عمر 50 سال یا اس سے زیادہ ہے ، اس عمر کے افراد کو کورونا کے سنگین اثرات کا سب سے زیادہ خطرہ ہے ۔
انہوں نے مزید کہا کہ اب تک ان میں سے 56 لاکھ افراد کو ویکسین کی ایک خوراک دی جاچکی ہے ، ایسے افراد کو جلد ویکسین لگانے کی ترغیب دی جائے ۔
Pakistan has 2 crore 72 lakh people who are 50 years or older. This age group is most vulnerable to serious health effect of covid. So far 56 lakh or 20.6% of these have gotten at least 1 dose of vaccine. Please encourage all in this age group to vaccinate as soon as possible.
— Asad Umar (@Asad_Umar) July 11, 2021
واضح رہے کہ پاکستان میں کورونا سے مزید 27 مریض انتقال کر گئے جس کے بعد جاں بحق افراد کی تعداد 22 ہزار 582 ہو گئی ۔
نیشنل کمانڈ اینڈ آپریشن سنٹر کے مطابق ، 24 گھنٹوں میں ایک ہزار 980 نئے کیسز رپورٹ ہوئے جبکہ 48 ہزار 382 افراد کے کورونا ٹیسٹ کئے گئے ۔ رپورٹ میں مزید کہا گیا ہے کہ کورونا کے مثبت کیسز کی شرح 4.09 فیصد رہی جس کے بعد ملک بھر میں کورونا کیسز کی مجموعی تعداد 9 لاکھ 73 ہزار 284 ہو گئی ۔
