دبئی : پاکستان سپر لیگ (پی ایس ایل) میں نوجوان کھلاڑی سیف بدر کو آوٹ کرنے پر کراچی کنگز کے شاہد آفریدی کی بدتمیزی پر سوشل میڈیا صارفین سراپا احتجاج ہیں اور انہیں تنقید کا نشانہ بنا رہے ہیں۔لیکن دوسری جانب نوجوان سیف بدر نے ایسا پیغام جاری کر دیا ہے کہ جان کر شاہد آفریدی بھی شرمندہ ہو جائیں گے۔
یہ بھی پڑھیں۔۔۔۔ نوجوان کھلاڑی سے بدتمیزی پر مداحوں کی آفریدی پر تنقید
سیف بدر نے سوشل میڈیا پر شاہد آفریدی کے ہاتھوں آوٹ ہونے کی اپنی ویڈیو شیئر کی اور ساتھ ہی لکھا کہ ”میں اب بھی آپ کو پسند کرتا ہوں۔“ اس کیساتھ ہی انہوں نے Legend#کا ہیش ٹیگ بھی استعمال کیا۔
اس ٹوئٹ کے جواب میں شاہد آفریدی نے بھی ری ٹوئٹ کی اور سیف بدر سے معافی مانگتے ہوئے کہا کہ” کچھ بھی ہوا میں اس پر معذرت خواہ ہوں، وہ میچ کا مومینٹم تھا۔۔۔ میں ہمیشہ اپنے نوجوان کھلاڑیوں کی حوصلہ افزائی کرتا ہوں۔ تمہارے لئے نیک خواہشات۔۔۔“