خلیجی ممالک دنیا کی چھٹی معاشی طاقت بن سکتے ہیں،محمد بن سلمان

خطے کی اقتصادی ترقی کے لیے ہمارے پاس اب بھی ان گنت مواقع موجود ہیں

 خلیجی ممالک دنیا کی چھٹی معاشی طاقت بن سکتے ہیں،محمد بن سلمان

ریاض:سعودی عرب کے نائب ولی عہد اور وزیر دفاع شہزادہ محمد بن سلمان نے کہا ہے کہ خلیج تعاون کونسل کے رکن ممالک کے پاس دنیاکی چھٹی معاشی طاقت بننے کا سنہری موقع ہے۔اگرخلیجی ممالک نے درست سمت میں کام جاری رکھا توپیش آئندچند برسوں میں خلیجی بلاک دنیاکی چھٹی بڑی معاشی قوت بن سکتا ہے۔عرب ٹی وی کے مطابق دارالحکومت ریاض میں منعقدہ خلیجی ممالک کی اقتصادی ترقی کمیٹی کے پہلے اجلاس سے خطاب کرتے ہوئے شہزادہ محمد بن سلمان کا کہنا تھا کہ ہم خطے کو دنیا کی بہترین معاشی قوت بنانے کے لیے دستیاب مواقع سے بھرپور استفادے کی کوشش کررہے ہیں۔ چونکہ ہم ایک ایسے دور میں سانس لے رہے جب پوری دنیا غیرمعمولی معاشی اتار وچڑھا کا شکار ہے۔

اس وقت دنیا میں معاشی بلاک بن رہے ہیں۔ہمارے پاس بھی ایک مضبوط معاشی بلاک تشکیل دینے کا بہترین موقع ہے۔ خلیجی کی اقتصادی ترقی کمیٹی ہمارے اس خواب کو شرمندہ تعبیر کرنے کا بہترین فورم ہے۔خلیجی ممالک میں اقتصادی اور معاشی طور پرمضبوط طاقت بننے کی صلاحیت موجود ہے۔ ہمیں مل کر اپنے وسائل کو بروئے کار لاتے ہوئے اقتصادی اور معاشی ترقی کی منزلیں طے کرنا ہیں۔انہوں نے مزید کہا کہ حالیہ چند برسوں کے دوران خلیجی ممالک نے معاشی ترقی کے میدان میں نمایاں کامیابیاں حاصل کی ہیں اور ہمارے ملکوں اور اقوام نے ان کامیابیوں کیثمرات سے بھی فائدہ اٹھایا ہے۔ خطے کی اقتصادی ترقی کے لیے ہمارے پاس اب بھی ان گنت مواقع موجود ہیں۔ خلیج تعاون کونسل کے ممبر ممالک مل کر معاشی طاقت بن سکتے ہیں۔

#/S