وہ فلمیں جن میں کام نہ کر کے سلمان خان بہت پچھتاتے ہیں

لالی ووڈ: وہ فلمیں جن میں کام نہ کر کے سلمان خان بہت پچھتاتے ہیں۔

بازی گر(1993ء)

عباس مستان نے اپنی اس بلاک بسٹر فلم میں سب سے پہلے سلمان خان کو ہیرو بننے کی پیشکش کی تھی تاہم انہوں نے اداکاری کرنے سے معذرت کر لی۔بازی گر میں کام کی آفر پھر شاہ رخ خان کو دی گئی جسے قبول کر لیا گیا۔ شاہ رخ نے نہ صرف فلم میں بہترین اداکاری کی بلکہ خود کو ایک عمدہ اداکار بھی ثابت کر دیا۔

جوش(2000ء)
اس فلم جوش میں ’’میکس‘‘ کا کردار تقریباً ہر اداکار کرنا چاہتا تھا ۔تاہم سلمان خان نے مصروف شیڈول کے باعث فلم میں کام کرنے سے معذرت کر لی۔ ایک بار پھر یہ فلم شاہ رخ کے حصے میں آگئی۔ فلم کی منفرد کہانی نے ناقدین کے ساتھ ساتھ شائقین سے بھی خوب داد وصول کی ۔

کل ہو نہ ہو(2003ء)
اس فلم نے بھارت کے علاوہ بین الاقوامی سطح پر بھی بڑی کامیابی پائی۔ اس فلم میں سلمان خان کو شاہ رخ کے مد مقابل ایک مختصر کردار ادا کرنے کی پیشکش ہوئی تھی مگر سلمان نے انکار کردیا۔ بعد میں یہ کردار سیف علی خان کے حصے میں آیا ۔اس کو خوبصورتی سے ادا کرکے سیف نے خوب تعریف سمیٹی۔

چک دے انڈیا(2007ء)
اس فلم کو شاہ رخ خان کے کیرئیر کی کامیاب ترین فلموں میں شمار کیا جاتا ہے۔کم لوگ جانتے ہیں، فلم میں کوچ کے کردار کے لیے پہلے سلمان خان کو پیشکش کی گئی۔ سلمان خان نے یہ کردار بھی اپنے مصروف شیڈول کے باعث ٹھکرا دیا ۔بعد ازاں شاہ رخ نے کوچ کا کردار عمدگی سے ادا کیا اور خوب داد پائی۔

گجنی(2008ء)
کہا جاتا ہے، عامر خان نے اس فلم کی کہانی پڑھنے کے بعد فلم بنانے والوں کو بتایا تھا کہ ہیرو کے لیے سلمان خان موزوں رہے گا۔چناں چہ سلمان سے رابطہ کیا گیا ۔تاہم کچھ وجوہ کی وجہ سے سلمان نے فلم میں کام کرنے سے انکار کردیا ۔لہٰذا اس فلم میں عامر کو کام کرنا پڑا۔ گجنی سال کی کامیاب ترین فلموں میں سے ایک تھی جس نے شائقین کے ساتھ ساتھ ناقدین سے بھی خوب داد وصول کی ۔