صنعا:یمن میں معمول کی اڑان کے دوران فنی خرابی سے ایک ہیلی کاپٹر کے حادثے میں کم سے کم چار اماراتی سپاہی جاں بحق ہوگئے ہیں۔
تفصیلات کے مطابق ہیلی کاپٹر میں فنی خرابی کے بعد کپتان نے ہیلی کاپٹر کی ہنگامی لینڈنگ کی کوشش کی تاہم ہیلی کاپٹر گر کر تباہ ہوگیا اور اس میں سوار چار اماراتی سپاہی شہید ہوگئے۔یہ حادثہ جمعہ کو یمن کی شبوة گورنری میں پیش آیا۔
عرب اتحاد کے ترجمان کرنل ترکی المالکی نے بتایا کہ شبوة میں پیش آنے والے ہیلی کاپٹر حادثے کی تحقیقات شروع کردی گئی ہیں۔ ان کا کہنا ہے کہ یہ حادثہ ہیلی کاپٹر میں پیدا ہونے والی فنی خرابی کا نتیجہ تھا۔ پائلٹ نے ہیلی کاپٹر کی ہنگامی لینڈنگ کی کوشش کی مگر وہ اس میں ناکام رہا اور ہیلی کاپٹر گر کر تباہ ہوگیا۔
