کوئٹہ گلیڈی ایٹرز کے ان فارم آل راؤنڈر محمد نواز پی ایس ایل سے باہر ہو گئے

کھیل 
  نیوویب ڈیسک
کوئٹہ گلیڈی ایٹرز کے ان فارم آل راؤنڈر محمد نواز پی ایس ایل سے باہر ہو گئے
سورس: فوٹو: بشکریہ ٹوئٹر

لاہور: پاکستان سپر لیگ (پی ایس ایل) فرنچائز کوئٹہ گلیڈی ایٹرز کے آل راؤنڈر محمد نواز پاؤں کی انجری کے باعث لیگ کے بقیہ میچز سے باہر ہوگئے ہیں جس پر کپتان سرفراز احمد نے افسردگی کا اظہار کیا ہے۔ 
محمد نواز نے سماجی رابطوں کی ویب سائٹ ٹوئٹر پر جاری پیغام میں لکھا ’میں ٹخنے کی انجری کی وجہ سے پی ایس ایل کے دوران اپنی ٹیم چھوڑنے سے بہت پریشان ہوں۔ اب میں اپنے گھر سے پرپل فورس کی حوصلہ افزائی کروں گا۔‘

بعض طاقتیں بلوچستان اور ملک میں استحکام نہیں چاہتیں:آصف زرداری


محمد نواز کے اس پیغام پر ٹیم کے کپتان سرفرار احمد نے افسردگی کا اظہار کرتے ہوئے لکھا ’نہ جا یار‘ اور ساتھ ہی رونے والے ایموجی کا استعمال کیا اور ان کیساتھ جلد صحت یابی کی دعا بھی کی۔ 


واضح رہے کہ محمد نواز کو ٹریننگ کے دوران بائیں پاؤں میں انجری ہوئی تھی جس کے باعث وہ پی ایس ایل کے بقیہ میچز میں حصہ نہیں لے سکیں گے۔ محمد نواز کی فارم بھی بہترین تھی اور شائد یہی وجہ ہے کہ سرفرار احمد کی جانب سے ان کے جانے پر یوں افسردگی کا اظہار کیا گیا ہے۔ 

 میرے دور میں گندم کی خریداری کا جو فیصلہ ہوا اس کی پوری ذمہ داری لیتا ہوں: انوار الحق کاکڑ

مصنف کے بارے میں