کوئٹہ: معروف بلوچ لوک گلوکار محمد بشیر بلوچ انتقال کرگئے۔
معروف لوک گلوکار محمد بشیر بلوچ کے بیٹے محمد رضا نے والد کے انتقال کی تصدیق کی ہے۔محمد بشیر بلوچ نے بلوچی سمیت مختلف زبانوں میں لوک گیت گا ئے وہ گردوں کے عارضے میں مبتلا تھے۔
فنی خدمات پر معروف لوک گلوکار محمد بشیر بلوچ کو صدارتی ایوارڈ سے نوازا گیا ، ان کے بیٹے محمد رضا کا کہنا ہےکہ والد کو آج دوپہر کلی دیبہ کے قریب اخوند بابا قبرستان میں سپرد خاک کیا جائےگا۔
