لاہور: رہنما پاکستان تحریک انصاف (پی ٹی آئی) شعیب صدیقی اپنی ہی جماعت کے سینیٹر اعجاز چوہدری پر برس پڑے اور کھری کھری سنا دیں۔
سماجی رابطے کی ویب سائیٹ ٹوئٹر پر سینیٹر اعجاز چوہدری نےعلیم خان کی نواز شریف سے ملاقات کی خبر پر طنزیہ تبصرہ کیا جو شعیب صدیقی کو بالکل پسند نہ آیا اور انہوں نے سینیٹر اعجاز چوہدری پر جوابی وار کر دیا۔
*اے آر وائے پر نعیم اشرف بٹ صاحب کی خبر*
— Senator Ejaz Chaudhary (@EjazChaudhary) March 11, 2022
عبدالعلیم خان کی لندن میں نوازشریف سے خفیہ ملاقات ، ذرائع
ملاقات نوازشریف کےگھر پر مقامی وقت کےمطابق ساڑھے6 بجے ہوئی، ذرائع
علیم خان کو گھر کےعقبی دروازے سے داخل کیاگیا، ذرائع
(خُفیہ ملاقات اور عقبی دروازے سے داخلہ
یہ وقت بھی آنا تھا)
پی ٹی آئی سینیٹر اعجاز چوہدری نے اپنی ٹویٹ میں خبر کا حوالہ دیتے ہوئے لکھا کہ ’ذرائع کے مطابق علیم خان کی لندن میں نواز شریف سے خفیہ ملاقات مقامی وقت کے مطابق ساڑھے 6 بجے ہوئی۔ علیم خان کو گھر کے عقبی دروازے سے داخل کیا گیا۔‘ تاہم انہوں نے اپنی ٹویٹ میں خبر پر تبصرہ کرتے ہوئے مزید لکھا کہ’ خفیہ ملاقات اور عقبی دروازے سے داخلہ، یہ وقت بھی آنا تھا۔‘
جماعت اسلامی سے کرپشن کی بنیاد پر نکالے جانے والے اب بتائیں گے کہ کس کا کیسا وقت چل رہا ہے؟ ہر عہدے کی قیمت لگوا کر بیچنے والا اب دوسروں کو تعلیم دے گا؟
— Shoaib Siddiqui (@ShoaibSiddiqui_) March 11, 2022
یہ وقت بھی آنا تھا!!! https://t.co/J9ocoq6EyO
پی ٹی آئی رہنما کے ٹویٹ کے بعد شعیب صدیقی میدان میں آئے اور اعجاز چوہدری پر الزامات کی بوچھاڑ کر دی ۔ انہوں نے لکھا کہ ’جماعت اسلامی سے کرپشن کی بنیاد پر نکالے جانے والے اب بتائیں گے کہ کس کا کیسا وقت چل رہا ہے؟ ہر عہدے کی قیمت لگوا کر بیچنے والا اب دوسروں کو تعلیم دے گا؟ یہ وقت بھی آنا تھا۔‘
واضح رہے کہ گزشتہ روز یہ خبر سامنے آئی تھی کہ پاکستان تحریک انصاف ترین گروپ کے رہنما اور سابق وزیر عبدالعلیم خان نے سابق وزیراعظم نوازشریف سے لندن میں ملاقات کی جس میں سابق وزیر خزانہ اسحاق ڈار اور نواز شریف کے بیٹے بھی موجود تھے۔اہم ملاقات طویل دورانیے کی تھی جو تقریباً تین گھنٹے تک جاری رہی۔ ملاقات میں پاکستان کی سیاسی صورتحال پر گفتگو ہوئی، دونوں رہنماؤں کی ملاقات کا اہتمام مشترکہ دوستوں نے کیا تھا ۔
