نیب کالا قانون ہے اسے ختم ہونا چاہئے، شاہد خاقان عباسی

 نیب کالا قانون ہے اسے ختم ہونا چاہئے، شاہد خاقان عباسی

اسلام آباد: سابق وزیراعظم شاہد خاقان عباسی کا کہنا ہے کہ باتیں کرنے اور پگڑی اچھالنے سے کام نہیں بنتا، عمران خان کرپشن سامنے لائیں۔ 


تفصیلات کے مطابق  مسلم لیگ (ن) کے رہنما شاہد خاقان عباسی کا کہنا تھا کہ آشیانہ کے بارے میں سب کو پتا اس میں جان نہیں ہے، لیکن الزامات کے حوالے سے جوابات  دے دیے ہیں، آئندہ سماعت پر قابل سماعت ہونے یا نہ ہونے پر سماعت ہو گی۔

شاہد خاقان عباسی نے کہا کہ نیب کالا قانون ہے اسے ختم ہونا چاہئے، شہباز شریف کو ایک کیس میں بلا کر دوسرے میں گرفتار کیا گیا، اب سابق وزیراعلیٰ پنجاب کے خلاف رمضان شوگرملز کا کیس بنا دیا گیا۔ انہوں نے کہا کہ عمران خان نے مجھ پر اور میری کابینہ پرالزامات لگائیں، باتیں کرنے اور پگڑ ی اچھالنے سے کام نہیں بنتا

انہوں نے کہا کہ کرپشن ہے تو سامنے لائیں، عمران خان اپنی کابینہ میں دیکھیں کرپشن نظر آئے گی۔