نیپال میں شدید بارشوں کے باعث سیلاب اور لینڈ سلائڈنگ سے 33 افراد کے ہلاک ہو نے کی اطلاع ہے ۔
تفصیلات کے مطابق نیپال کے صوبے کرنالی کے متعدد مقامات پر بارشوں کا سلسلہ جاری ہے ، جس سے سیلابی اور لینڈ سلائڈنگ کی صورتحال پیدا ہوگئی ہے ،سیلاب سے اب تک 30 سے زائد افراد ہلاک اور متعدد زخمی ہو چکے ہیں ۔ جبکہ20 افراد تاحال لاپتہ ہیں ۔ لاپتہ ہونے والے زیادہ تر افراد کا تعلق صوبے کالی کوٹ سے ہے ۔
ذرائع کا کہنا ہے کہ نیپال میں سیلاب سے سیکڑوں گھر اور سڑکیں زیرِ آب آ گئی ہیں ۔لوگوں کو سیلابی صورتحال کے باعث مشکلات کا سامنا کرنا ہے ۔ متاثرین کی امداد کیلئے کارروائیاں شروع کردی گئی ہیں ۔