ویوک اوبرائے نے منیبہ مزاری کو سپرُ وویمن کا خطاب دے دیا

ویوک اوبرائے نے منیبہ مزاری کو سپرُ وویمن کا خطاب دے دیا

لاہور: بالی ووڈ اداکارویوک اوبرائے نے پاکستان کی سرگرم سماجی کارکن منیبہ مزاری کی انسانیت دوست خدمات کی تعریف کرتے ہوئے انہیں سپرُ وویمن کا خطاب دے دیا۔ سماجی رابطے کی ویب سائٹ ٹوئٹر پر منیبہ مزاری نے بھارتی اداکار کے ساتھ ملاقات کی ایک تصویر شئیر کی۔


ٹوئٹ میں منیبہ مزاری نے بالی ووڈ اداکار کے لیے نیک تمناوں کا اظہار کرتے ہوئے لکھا کہ ویوک اوبرائے سے ملاقات میرے لیے ایک اعزاز ہے۔ خدا آپ کو ہمیشہ سلامت رکھے۔ منیبہ نے اپنے ٹوئٹ میں اداکار اور ان کے اہل خانہ کے لیے بھی نیک خواہشات کا اظہار کیا۔

دوسری جانب بھارتی اداکارنے بھی منیبہ مزاری کی طرف سے بھیجے گئے پیغام پر ردعمل دیتے ہوئے انہیں اپنی چھوٹی بہن کہہ کر جواب میں لکھا کہ خوشی کی بات ہے کہ آپ میری بہن ہیں۔ آپ کی زندگی میں بہت سی مشکلات ہیں اس کے باوجود آپ ایک خوبصورت انسان ہیں۔ آپ نے ہر ایک کو خوش رکھا ہے اور خدا آپ اپنی حفظ و امان میں رکھے۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں