بین الاقوامی کرکٹ کی بحالی کی امید نظر آرہی ہے : شاہد آفریدی

بین الاقوامی کرکٹ کی بحالی کی امید نظر آرہی ہے : شاہد آفریدی

پاکستان سٹار کھلاڑی شاہد آفریدی نے کہا ہے کہ نجم سیٹھی نے آزادی ایونٹ کی شکل میں پاکستان کو ایک تحفہ دیا ہے اور اس کا سارا سہرا انہی کے سر جاتا ہے


میڈیا سے گفتگو کرتے ہوئے انہوں نے کہا کہ وہ کرکٹ کی محبت میں لاہور آئے ہیں اور پاکستان اور ورلڈ الیون کے درمیان ہونے والے سب میچ دیکھیں گے۔یہ ہر پاکستانی کے لیے اہم موقع ہے، بین الاقوامی کرکٹ کے رکے ہوئے سلسلے کو جوڑنے کی کوششیں کامیاب ہوتی ہوئی نظر آرہی ہیں۔

انہوں نے مزید کہا کہ اچھا ہوتا اگر ٹیم میں بھارت کے بھی ایک دو کرکٹرز شامل ہوتے اس سے دنیا کو اچھا پیغام جاسکتا ہے کہ کھیلوں کے ذریعے بڑے بڑے مسائل حل کیے جاسکتے ہیں۔اس دورے سے دنیا میں ایک مثبت پیغام جائے گا۔ آئی سی سی کا شکریہ ادا کرنا چاہیے جس نے پاکستان کرکٹ بورڈ کی مکمل حمایت کی۔