لاہور: پاکستان تحریک انصاف (پی ٹی آئی) کے رہنما اور سابق وفاقی وزیر تعلیم شفقت محمود کو دل کی تکلیف لاحق ہوئی ہے جنہیں ہسپتال منتقل کر دیا گیا ہے۔
تفصیلات کے مطابق پی ٹی آئی رہنما کے خاندانی ذرائع کا کہنا ہے کہ دل کی تکلیف کے باعث شفقت محمود کو لاہور کے نجی ہسپتال میں داخل کیا گیا ہے جہاں آج ان کی انجیوگرافی ہو گی۔
شفقت محمود کے خاندانی ذرائع نے عوام سے ان کیلئے دعائے صحت کی اپیل کی ہے جبکہ شفقت محمود کے ٹوئٹر ہینڈل سے بھی اس حوالے سے بیان جاری کیا گیا ہے۔
یاد رہے کہ شفقت محمود نے رواں سال جون میں صحت کے مسائل کے باعث پاکستان تحریک انصاف (پی ٹی آئی) پنجاب کی صدارت سے بھی استعفیٰ دیدیا تھا۔
