حکومت کا سحروافطار اورتراویح کے اوقات میں بلاتعطل بجلی کی فراہمی کا اعلان

حکومت کا سحروافطار اورتراویح کے اوقات میں بلاتعطل بجلی کی فراہمی کا اعلان
سورس:   file photo

اسلام آباد، حکومت کی طرف سے سحر وافطار اور تراویح میں بلاتعطل بجلی فراہم کرنے کا اعلان کردیاگیا ۔ 

تفصیلات کے مطابق ترجمان پاور ڈویژن نے کہا ہے کہ سحر و افطار اور تراویح میں ملک میں بلا تعطل بجلی مہیا کی جائے گی، ان اوقات میں تمام فیڈرز پر بجلی کی فراہمی کو یقینی بنایا جائے گا۔

ترجمان نے بتایا کہ تمام بجلی تقسیم کار کمپنیوں کو اس سلسلے میں ضروری ہدایات دے دی گئی ہیں، کسی بھی عارضی تعطل کو دور کرنے کے لیے ڈسٹری بیوشن کمپنیوں کی ٹیمیں بھی تشکیل دے دی گئیں۔

پاور ڈویژن کے مطابق تمام ڈسٹری بیوشن کمپنیوں کے کنٹرول رومز بھی فعال کر دیے گئے ہیں، کنٹرول رومز میں 24 گھنٹے اسٹاف کی ڈیوٹیاں لگا دی گئیں۔

ترجمان کا کہنا ہے کہ سب ڈویژن لیول پر اضافی ٹرانسفارمرز اور دیگر ضروری آلات بھی فراہم کر دیے گئے ہیں۔