پی آئی اے کا یوم آزادی کے موقع پر کرایوں میں کمی کا اعلان

پی آئی اے کا یوم آزادی کے موقع پر کرایوں میں کمی کا اعلان

لاہور: پاکستان انٹرنیشنل ایئر لائنز (پی آئی اے) نے پاکستان کے 75 ویں یوم آزادی کے موقع پر مسافروں کو بڑی پیشکش کرتے ہوئے کرایوں میں کمی کا اعلان کیا ہے۔ 

تفصیلات کے مطابق قومی ایئر لائن نے 14 اگست کو یوم آزادی کے روز اندرون ملک سفر کیلئے کرایوں میں 14 فیصد کمی کرنے کا اعلان کیا ہے۔ 

ترجمان پی آئی اے کا کہنا ہے کہ یہ رعایت آزادی کے جشن میں ہم وطنوں کیلئے تحفہ ہے تاکہ وہ جشن آزادی اپنے پیاروں کے ساتھ ملک کے اندر جہاں منانا چاہیں، منائیں۔

ترجمان نے کہا کہ ہم وطن عزیز میں عید اور جشن آزادی سمیت خوشیوں کے مختلف مواقعوں پر ہمیشہ اپنے مسافروں کیلئے بطور تحفہ ہر سال رعایت کا اعلان کرتے ہیں۔

مصنف کے بارے میں