اسلام آباد:وزیراعظم عمران خان نے پی ڈی ایم کے لاہور جلسے کے حوالے سے ردعمل دیتے ہوئے اپنے پیغام میں کہا کہ آج اپوزیشن کی جانب سے این آر او مانگنے کی بڑی مہنگی کوشش کی گئی لیکن افسوس ہے کہ میرا ہمیشہ کی طرح ان کو ایک ہی جواب ہے کہ کسی صورت میں بھی این آر او نہیں دوں گا۔
وزیراعظم عمران خان نے سماجی رابطے کی ویب سائٹ ٹوئٹر پر ٹویٹ کرتے ہوئے کہا پی ڈی ایم والوں نے لوگوں کی زندگیان خطرے میں ڈالین اور ان کے اس عمل سے لگتا ہے کہ شہریوں کی زندگی ان کے نزدیک کتنی اہم ہے۔ آج ایک بار پھر پی ڈی ایم نے جلسہ کر کے مجھے بلیک میل کرنے کی کوشش کی گئی کیونکہ ان کے اس اقدام کا مقصد لوٹی ہوئی دولت بچانا چاہتے ہیں۔
6586ff3f919a7096806ba1fad73814e4
انہوں نے کہا کہ بے تحاشا رقم ضائع کر کے پی ڈی ایم نے عوام کا وقت ضائع کیا اور میں ایک بار پھر اس عزم کا اعادہ کرتا ہوں کہ ان کو این آر او کا سوال نہیں پیدا ہوتا اور یہ جو بھی طریقہ اپنائیں لیکن میرا دو ٹوک پیغام ہے۔
خیال رہے تھے کہ مولانا فضل الرحمان نے لاہور میں پی ڈی ایم کے جلسے سے خطاب کرتے ہوئے کہا تھا کہ ملک میں اس وقت ناجائز حکومت مسلط ہے اور اب طاقت عوام کی ہو گی جبکہ دھاندلی کا نظام نہیں چلے گا۔ اب ہم اسلام آباد کی طرف لانگ مارچ کر رہے ہیں جو جنوری اور فروری کے اوائل میں ہو سکتا ہے اور حکمرانوں کے استعفے بھی ساتھ لے جائیں گے کیونکہ اب مزید کسی سے کوئی ڈٖائیلاگ نہیں ہوں گے جبکہ ہمیں انارکی کی طرف لے جانے سے پہلے حالات سنبھال لینے چاہیے کیونکہ اب زخم گہرے ہوتے جا رہے ہیں اور احساسات میں غصے، ناراضگی کا عنصر بڑھ رہا ہے جبکہ عوام کے حقوق پر ڈاکا ڈالا جاتا ہے تو قومی یکجہتی برقرار نہیں رہ سکتی۔
