پشاور:پی ایس ایل کے تیسرے ایڈیشن کیلئے ٹیموں کی تیاریاں زور و شور سے جاری ہیں ، پشاور زلمی نے معروف اداکارہ ماہرہ خان کو ٹیم کا برانڈ ایمبیسڈر مقرر کر دیا۔
تفصیلات کے مطابق پشاور زلمی کی ٹیم نے معروف اداکارہ ماہرہ خان کو ٹیم کا برانڈ ایمبیسیڈر مقرر کر دیا ہے ، اس سلسلے میں خصوصی تقریب کا انعقاد بھی کیا گیا۔
a66ee1eca8baff9d5527c527c3e3aa69
تقریب میں پشاور زلمی ٹیم کی کٹ(وردی) کی رونمائی آفیشل گیت کے ساتھ کی گئی ، اس موقع پر فرنچائز کے مالک جاوید آفریدی نے ماہرہ خان کو ٹیم کی برانڈ ایمبیسیڈر بنانے کا اعلان کیا۔
ماہرہ خان نے بھی پشاور زلمی کی کٹ پہنے تصویر سوشل میڈیا پر شیئر کی ہے اور ٹوئٹ میں فرنچائز کا حصہ بننے پر خوشی کا اظہار کیا ہے۔
83b3e656d6a8c4d2eeb0933d87cc2f11
یاد رہے کہ پاکستان سپر لیگ کا تیسرا ایڈیشن 22 فروری سے شروع ہوگا جب کہ زلمی ایونٹ میں اپنے اعزاز کا دفاع کرے گی۔
