اسلام آباد: وزیراعظم شہباز شریف کی چیئرمین پاکستان تحریک انصاف (پی ٹی آئی) عمران خان پر تنقید، کہا عمران نیازی کی باتیں قوم کو مسلسل مایوس کر رہی ہیں ۔
اپنے ٹویٹر پیغام میں وزیر اعظم نے کہا کہ عمران خان دوبارہ پاور میں آنا چاہتے ہیں چاہے اس کے لیے ملک میں طویل عرصے تک عدم استحکام رہے ۔ ان کی سیاست جھوٹ پر مبنی ہے جو آئے روز بے نقاب ہو رہی ہے ۔
Imran Niazi's antics & somersaults continue to disappoint the nation. The only constant is his desperation to get back into power even if it involves plunging the country into a protracted period of instability. His politics is based on lies which are getting exposed by the day.
— Shehbaz Sharif (@CMShehbaz) February 13, 2023
دوسری جانب سابق وزیر اعظم عمران خان نے خواتین سے بھی جیل بھرو تحریک کا حلف لے لیا ہے ۔ خواتین قائدین کا کہنا ہے کہ قوم کی مائیں ، بہنیں اور بیٹیاں تحریک میں قائد کے شانہ بشانہ ہیں ۔
اس موقع پر چیئرمین تحریک انصاف نے خواتین کارکنان کے جوش و جذبے کو سراہتے ہوئے کہا پُرامن جمہوری جدوجہد سے ملک کو بحرانوں سے نکالنے کی کوشش کر رہے ہیں ، خواتین کارکنان نے سیاسی جدوجہد کے ہر مرحلے پر نہایت مؤثر کردار ادا کیا ہے ۔
