ماروی میمن نے چودھری نثار کے بیان کی حمایت کر دی

ماروی میمن نے چودھری نثار کے بیان کی حمایت کر دی
فوٹو: فائل

لاہور : مسلم لیگ ن کی مرکزی رہنماءاور بے نظیرانکم سپورٹ پروگرام کی چیئرپرسن ماروی میمن نے چودھری نثارکے بیان کی حمایت کرتے ہوئے کہا ہے کہ ممبئی معاملے پرچودھری نثارکا بیان حب الوطنی اورحقائق پرمبنی ہے۔


ماروی میمن کا کہنا تھا کہ کہا کہ چودھری نثاردھرتی کے سپوت ہیں۔پرچم کیلئے اصل دشمن کے خلاف ہمت کرکےاٹھنا حب الوطنی ہے۔ دفاع وطن کیلئے اپنے حلف پرثابت قدمی دکھانا بھی حب الوطنی ہے۔ اس معاملے پردوسرے خاموش ہیں لیکن کم ازکم میں نہیں۔

واضح رہے نواز شریف نے گزشتہ روز انگریزی قومی اخبار کو انٹرویو دیتے ہوئے کہا کہ پاکستان سے عسکریت پسندوں نے ہندوستان میں جاکر ممبئی حملے کیے۔جس میں 150 لوگ ہلاک ہوئے۔ انہوں نے تشویش کا اظہار کیا کہ ابھی تک عدالتوں میں انکوائری چل ہے۔انہوں نے کہاکہ پاکستان کے معاملات کو ٹھیک کرنے کیلئے ایک حکومت کا ہونا ضروری ہے۔ اس وقت تین متوازی حکومتیں کام کررہی ہیں۔ مسلم لیگ ن کے قائد نواز شریف کے بیان پر حکومت کی مخالف سیاسی جماعتوں نے شدید ردعمل کا اظہار کیا ہے۔