لاہور: پاکستانی شوبز کی مایہ ناز اداکارہ ماہرہ خان نے کہا ہے کہ ”پی ایس ایل“ پاکستان کی پہچان ہے اور اس مرتبہ ملک میں بھی میچز ہو رہے ہیں جس پر بہت خوش ہوں۔
تفصیلات کے مطابق ماہرہ خان پی ایس ایل تھری کے لیے گزشتہ روز ہونے والے ڈرافٹ کی تقریب میں پہنچیں جہاں مداحوں نے انہیں گھیر لیا اور خوب سیلفیاں لیں۔
...
اس موقع پر گفتگو کرتے ہوئے ماہرہ نے کہا کہ پی ایس ایل پاکستان کی پہچان ہے، اس مرتبہ پاکستان میں بھی میچز ہو رہے ہیں جس پر بہت خوش ہوں، پاکستان ایک پرامن اور کھیلوں سے پیار کرنے والا ملک ہے جب کہ پی ایس ایل تھری میں انٹرنیشنل کرکٹرز کی شمولیت اس بات کا ثبوت ہے کہ عالمی سطح پر پاکستان کی ساکھ بہتر ہو رہی ہے۔واضح رہے کہ ماہرہ خان ان دنوں اپنی آئندہ پاکستانی فلم ”ورنہ “ کی پرموشن میں مصروف ہیں۔
