لندن: وزیراعظم شہباز شریف نے ٹی ٹوئنٹی ورلڈ کپ کے فائنل میں پاکستان کی شکست پر ٹیم کا حوصلہ بڑھایا ۔
سماجی رابطے کی ویب سائٹ ٹوئٹر پر وزیراعظم شہباز شریف نے لکھا کہ قومی ٹیم نے شاندار باؤلنگ کرکے انگلینڈ کا سخت اور بہادری سے مقابلہ کیا لیکن انگلینڈ نے آج بہتر کھیل کا مظاہرہ کیا۔
Team Pakistan 🇵🇰 fought back hard & brave. Great bowling performance. But England 🏴 played better today. We are proud of our boys in green for making it to the final match of this mega tournament. 👏
— Shehbaz Sharif (@CMShehbaz) November 13, 2022
وزیراعظم شہباز شریف نے مزید لکھا کہ اس میگا ٹورنامنٹ کے فائنل میچ میں جگہ بنانے پر ہمیں اپنی قومی ٹیم کے ہر ایک کھلاڑی پر فخر ہے۔
اس سے پہلے میچ کے آغاز سے قبل وزیر اعظم شہباز شریف نے کھلاڑیوں کا حوصلہ بڑھانے کے لیے بھی ٹوئٹ کی تھی جس میں انہوں نے لکھا تھا کہ آپ نے ورلڈ کپ فائنل تک پہنچنے کے لیے تمام مشکلات کو شکست دی۔ میں جانتا ہوں کہ آپ میں جیتنے کا جذبہ، حوصلہ اور عزم ہے۔ خود پر یقین رکھیں اور اپنا بہترین کھیل کھیلیں۔ پوری قوم آپ کے ساتھ ہے۔
Team Pakistan 🇵🇰
— Shehbaz Sharif (@CMShehbaz) November 13, 2022
You have beaten all odds to reach the World Cup Final. I know you have the passion, motivation and determination to win. Believe in yourself & play your best game. The entire nation stands behind you.
Good luck
خیال رہے کہ آسٹریلیا میں ہونے والے ٹی ٹوئنٹی ورلڈکپ کے فائنل میں انگلینڈ نے پاکستان کو شکست دیدی۔ پاکستان نے پہلے بیٹنگ کرتے ہوئے 137 رنز کا ہدف دیا تھا جسے انگلینڈ نے 5 وکٹوں کے نقصان پر 19 اوورز میں پورا کرلیا۔
