بلاول بھٹو اور اراکین قومی اور صوبائی اسمبلی کو نوٹس جاری

بلاول بھٹو اور اراکین قومی اور صوبائی اسمبلی کو نوٹس جاری
Image Source: File Photo

اسلام آباد: الیکشن کمیشن آف پاکستان نے لاڑکانہ میں الیکشن مہم چلانے پر بلاول بھٹو اور اراکین قومی اور صوبائی اسمبلی کو نوٹس جاری کردیا۔


 

تفصیلات  کے مطابق، چیرمین پاکستان پیپلز پارٹی  بلاول بھٹو کو لاڑکانہ کے حلقہ پی ایس گیارہ میں الیکشن مہم چلانا مہنگا پڑ گیا ہے۔ الیکشن کمیشن نے چیئرمین پیپلز پارٹی اور ایم این اے خورشید جونیجو کو نوٹس جاری کر دیا ہے۔

 

الیکشن مہم نے چلانے پر صوبائی وزرا ناصر شاہ، سہیل سیال، شبیر بجارانی، مشیر نثار کھوڑو اور اراکین سندھ اسمبلی کو بھی نوٹس جاری کیا ہے۔

 

خیال رہے کہ سپریم کورٹ نے پی ایس گیارہ سے کامیاب امیدوار معظم علی خان کو ڈی نوٹیفائی کرتے ہوئے دوبارہ الیکشن کرانے کا حکم دیا ہے۔