لاہور : لاہور اور راولپنڈی میں ن لیگ نے میدان مار لیا۔لاہور کنٹونمنٹ بورڈ کے تمام 10 وارڈز کے مکمل غیر سرکاری غیر حتمی نتائج کے مطابق ن لیگ چھ سیٹیں لیکر پہلے ،پی ٹی آئی 3 سیٹوں کے ساتھ دوسرے اور ایک سیٹ آزاد امیدوار کے نام رہی ،والٹن کنٹونمنٹ کی 10 میں سے 8 نشستوں پر ن لیگ کامیاب، ایک سیٹ پر کانٹے کا مقابلہ ہے ،ایک پر الیکشن ملتوی ہوگیا تھا۔
ملتان کے دس وارڈز میں سے 9 آزادامیدواروں نے فتح حاصل کر لی۔ایک نشست پر مسلم لیگ ن کے حصہ آئی ۔گوجرانوالا کے دس وارڈز میں سے چھ میں پی ٹی آئی ۔دو میں ن لیگ نے میدان مار لیا۔جہلم کے2وارڈز میں پی ٹی آئی کو کامیابی ملی ۔
بہاورلپور کے5وارڈز میں سے تین نشستیں ن لیگ اور دو تحریک انصاف کے حصے میں آئیں ۔ سیالکوٹ کے پانچ وارڈز میں مسلم لیگ ن کو تین جبکہ پی ٹی آئی کو دو نشستیں ملیں ۔ سرگودھاکے 10 وارڈز میں 5 آزاد امیدوار فاتح رہے ۔ تحریک انصاف 3 جبکہ مسلم لیگ ن 2 نشستیں حاصل کرسکی ۔ اوکاڑہ کے4وارڈز میں تین آزاد امیدواروں نے میدان مار لیا۔ ایک نشست پی ٹی آئی کو ملی ۔رسالپورکے تینوں وارڈز میں پی ٹی آئی کے امیدوار جیت گئے