مقامی صرافہ بازار میں سونا 51 ہزار دو سو روپے کا ہوگیا

مقامی صرافہ بازار میں سونا 51 ہزار دو سو روپے کا ہوگیا

کراچی: عالمی مارکیٹ میں سونا مہنگا ہونے پر مقامی صرافہ بازار میں فی تولہ سونا دو سوروپے اضافےسے 51 ہزار دو سو روپے کا ہوگیا ۔آل سندھ صرافہ بازار ایسوسی ایشن کے مطابق عالمی مارکیٹ میں سونا 15 ڈالر مہنگا ہوکر بارہ سو اٹھاسی ڈالر فی اونس پر آگیا۔


اس اضافے کا اثر مقامی صرافہ بازار میں بھی ہوا۔جس سے فی تولہ سونا دو سو روپے مہنگا ہوکر51 ہزار دو سو روپے اور دس گرام سونے کی قیمت 172 روپے اضافے سے 43 ہزار 885 روپے ہوگئی ہے ۔

واضح رہے کہ تین روز میں فی تولہ سونا 450 روپے اور دس گرام سونا 386 روپے مہنگا ہوچکا ہے.