عمران خان نے سیاست کو تنگ نظری سے آلودہ کردیا ہے، آصف زرداری

عمران خان نے سیاست کو تنگ نظری سے آلودہ کردیا ہے، آصف زرداری
Image Source : Twitter

کراچی : پیپلز پارٹی کے شریک چیئرمین آصف علی زرداری نے کہا ہے کہ مائیں، بہنیں، اور بیٹیاں سانجھی ہوتی ہیں، چادر اور چار دیواری کو صرف بزدل پامال کرتے ہیں۔


 

تفصیلات کے مطابق ،  آصف زرداری نے نیب ٹیم کی جانب سے شہبازشریف کی صاحبزادی کو نوٹس دینے کیلئے ان کے گھر جانے پر اپنا ردعمل د یتے ہوئے کہا کہ کٹھ پتلی وزیر اعظم میں حوصلہ نہیں کہ سیاسی میدان میں ہمارا مقابلہ کریں، بہادر لوگ اداروں کے پیچھے چھپ کر وار نہیں کرتے، عمران خان نے سیاست کو تنگ نظری سے آلودہ کردیا ہے۔

 یاد رہے کہ آج نیب کی ٹیم نوٹس کی وصولی کے لیے شبہاز شریف کی بیٹی کے گھر پہنچی تھی، البتہ ترجمان ن لیگ مریم اورنگزیب کے بیان کے بعد صورت حال گمبھیر ہوگئی۔انہوں نے میڈیا سے گفتگو کرتے ہوئے الزام عائد کیا کہ نیب کی ٹیم نے پولیس کے ہمراہ ماڈل ٹان میں شہبازشریف کی صاحب زادی کے گھر کا محاصرہ کر لیا ہے۔

 

جواب میں نیب حکام نے موقف اختیار کیا کہ سابق وزیراطلاعات نے میڈیا سے غلط بیانی کی، شہباز شریف کی بیٹی کے گھرچھاپہ نہیں مارا گیانیب ٹیم نوٹس وصول کرانے گئی تھی۔