اسلام آباد :سابق وزیر داخلہ شیخ رشید نے پندرہ جنوری سے پندرہ اپریل تک کا وقت اہم قرار دےدیا۔
سماجی رابطے کی ویب سائٹ ٹوئٹر پر اپنے پیغام میں شیخ شید کا کہنا تھا کہ سو روز میں انتخابی شیڈول آئےگا ،پنجاب کے بعد خیبرپختونکوا اسمبلی تحلیل ہوگی ،پھر سندھ اسمبلی سے ممبر واپس اور قومی اسمبلی سے استعفے منظور کرائیں گے۔
15جنوری سے15اپریل اہم ہیں100دن میں انتخابی شیڈول آئے گاپنجاب کے بعد کے پی کے اسمبلی تحلیل ہوگی،پھرسندھ اسمبلی سےممبر واپس اورقومی اسمبلی سے استعفے منظورکرائیں گے۔بلدیاتی شعبدہ بازی کام نہیں آئے گی۔جتنی دیر کریں گے اپنی سیاست ڈھیر کریں گےبینکوں کےلٹنےکےخوف سےسیکیورٹی بڑھادی گئی ہے
— Sheikh Rashid Ahmed (@ShkhRasheed) January 14, 2023
شیخ شید نے لکھا کہ بلدیاتی شعبدہ بازی کام نہیں آئےگی ،جتنی دیر کریں گے اپنی سیاست ڈھیر کریں گے ، انہوں نے کہا معاشی ، ملکی ، اقتصادی اور قومی سلامتی سب خطرے میں پڑ گئے ہیں۔
شیخ رشید نے لکھا کہ ملک میں اہم سیاست شروع ہوگئی ہے ،اب الیکشن ناگزیر ہیں ،سیاسی بکرے کی ماں کب تک الیکشن سے بھاگے گی ۔
معاشی سلامتی ملکی سلامتی اقتصادی سلامتی اور قومی سلامتی سب خطرے میں پڑ گئے ہیں۔اب نوازشریف کو بلائیں اور اسکا بھی سیاسی کام تمام کرائیں۔الیکشن ناگزیر ہیں سیاسی بکرے کی ماں کب تک الیکشن سے بھاگے گیPDMالیکشن سے فراری ہے تو پھر ملک میں وہ کیا چاہتی ہے۔ملک میں اہم سیاست شروع ہوگئی ہے
— Sheikh Rashid Ahmed (@ShkhRasheed) January 14, 2023
شیخ رشید نے مزید لکھا کہ اب نواز شریف کو واپس بلائیں اور اس کا بھی سیاسی کام تمام کرائیں ،پی ڈی ایم الیکشن سے فراری ہے تو پھر وہ ملک میں کیا چاہتی ہے۔
