کراچی : محکمہ تعلیم سندھ نے بھی کورونا صورتحال کو مد نظر رکھتے ہوئے چھوٹی کلاسز کا تعلیمی سلسلہ بحال کرنے کا فیصلہ کرلیا ہے۔
وزیر تعلیم سندھ سعید غنی نے اپنے ٹویٹ میں کہا کہ ٹاسک فورس اجلاس میں فیصلہ کیا گیا ہے کہ کل سے چھٹی تا آٹھویں کلاسز 50 فیصد حاضری کے ساتھ شروع کی جائیں گی۔
سندھ کرونا ٹاسک فورس کے اجلاس میں چھٹی سے آٹھویں جماعت تک کی کلاسز کل بروز منگل 15 جون سے %50 حاضری کیساتھ کھولنے کا فیصلہ کیا گیا ہے اور کرونا کی صورتحال میں مزید بہتری آنے کی صورت میں پرائمری کلاسز 21 جون سے شروع کردی جائینگی۔ اسکولوں کے سارے عملے کو vaccinated ہونا لازمی ہوگا
— Senator Saeed Ghani (@SaeedGhani1) June 14, 2021
انہوں نے کہا کہ پرائمری کلاسز کاآغاز کورونا کی صورتحال مزید بہتر ہونے پر 21 جون سے کیا جائے گا۔انہوں نے کہا کہ سکول کے سارے سٹاف کو ویکسین لگی ہونا ضروری ہے۔
