ریاض:سعودی عرب کی ٹرانسپورٹ وزارت نے شاہ سلمان بن عبدالعزیز کے خواتین کو کاریں چلانے کی اجازت دینے کے حکم پر عمل درآمد کے لیے تیاریاں شروع کردی ہیں۔
عرب ٹی وی کے مطابق ٹرانسپورٹ وزارت شاہی حکم پر عمل درآمد کے لیے خواتین کو محفوظ طریقے سے گاڑیاں چلانے کے لیے مختلف اقدامات کررہی ہے اور اس ضمن میں اس نے ہفتے کے روز اپنے سرکاری ٹویٹر اکا ؤنٹ کے ذریعے خواتین کو ڈرائیونگ کے لیے محفوظ ماحول فورم میں شرکت کی دعوت دی تھی۔
یہ بھی پڑھیں :-متحدہ عرب امارات کو سعودی عرب سے ریلوے ٹریک سے ملایا جائے گا
وزارت نے شاہ سعود یونیورسٹی کی شراکت سے طالبات کے لیے اس فورم کا اہتمام کیا۔اس کے ذریعے طالبات کو کار چلانا سیکھایا جارہاہے اور ان کی پہلے سے ڈرائیونگ کی مہارت کی جانچ بھی کی جارہی ہے۔
