پی ایس ایل فائنل میں” فوجی ٹوپیوں “کی دھوم

پی ایس ایل فائنل میں” فوجی ٹوپیوں “کی دھوم
Image Source : Facebook

راولپنڈی:ترجمان پاک فوج میجر جنرل آصف غفورنے کہاہے کہ شائقین کرکٹ یقینا پی ایس ایل فائنل میں فوجی ٹوپیاں اور شرٹس پہن کر آنا چاہتے ہیں لیکن کھیل کو سیاست سے بالاتر ہونا چاہئے۔


پاک فوج کے شعبہ تعلقات عامہ(آئی ایس پی آر)کے مطابق ترجمان پاک فوج نے سماجی رابطے کی ویب سائٹ ٹویٹر پر شائقین کرکٹ کو مخاطب کرتے ہوئے پیغام دیا ہے کہ پیارے پاکستانیوں، آپ یقینا پاکستان سپر لیگ کے فائنل میچ میں فوجی ٹوپیاں اورشرٹس پہن کر آنا چاہتے ہیں، پاکستان فوج آپ کے پیار و محبت کی قدر کرتی ہے۔

ترجمان پاک فوج نے پیغام دیا کہ کھیل کو سیاست سے بالاتر ہونا چاہئے، شائقین روشنیوں کے شہر میں کھیل سے لطف اندوز ہوں۔