مظفر آباد:وادی نیلم میں پل ٹوٹنے سے ڈوب کر جاں بحق ہونے والوں کی تلاش آج بھی جاری رہے گی اورپاکستان نیوی کے سپیشل غوطہ غور ریسکیوآپریشن میں حصہ لیں گے ۔بے رحم موجوں کا شکار ہونے والے طلباءو طالبات کی آخری سیلفی بھی سامنے آگئی ہے جسے دیکھ ہر آنکھ اشکبار ہوگئی ہے جبکہ سوشل میڈیا صارفین کی جانب سے انتہائی افسوس و غم کا اظہار کیا جارہا ہے۔
یہ بھی پڑھیں:دریائے نیلم کا پل گرنے سے 5 طلباءجاں بحق،6 کو زندہ بچالیا گیا
ذرائع کے مطابق گزشتہ روز دریائے نیلم پر جاگراں پل کے گرنے سے 25 سے زائد طلباءو طالبات دریا میں بہہ گئے تھے جن کا تعلق فیصل آباد کے نجی کالج اور لاہور کے میڈیکل کالج سے تھا ۔
یہ بھی پڑھیں:نواز شریف کا انٹرویو توڑ مروڑ کر پیش کیا گیا ، شہباز شریف
سات طلباءوطالبات کی لاشیں اب تک نکالی جاچکی ہیں جبکہ مزید کی تلاش جاری ہے۔خیال رہے کہ وادی نیلم کے تیز رفتار نالہ جاگراں پر قائم لوہے کا خستہ حال پل گزشتہ روز ٹوٹ گیا تھا جس کے نتیجے میں فیصل آباد اورلاہور سے سیر کے لیے جانے والے 25سے ز ائد طلباءو طالبات دریا میں بہہ گئے تھے۔
یہ بھی پڑھیں:بھارتی عدم تعاون اور ہٹ دھرمی ممبئی حملہ کیس کی پیش رفت میں سب سے بڑی رکاوٹ بنا:چودھری نثار
یہ بھی پڑھیں:جو میاں صاحب نے کہا ملک کے بہترین مفاد میں کہا، مریم نواز
سیلفی بنانے کے دوران پل کا توازن بگڑا اور 25کے قریب طلبا ءوطالبات پانی میں جاگرے ،خوشاب سے تعلق رکھنے والے میاں بیوی بھی پل پر موجود تھے۔ 3 بسوں پر 66 طلباءوطالبات سمیت 70 افراد تفریح کیلئے وادی نیلم گئے تھے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
