کراچی ،پاکستان شوبز انڈسٹری کی متنازع شخصیت اداکارہ و میزبان متھیرا کے والد انتقال کر گئے ۔
اداکارہ متھیرا نے سوشل میڈیا پلیٹ فارم انسٹا گرام پر اپنے والد کے انتقال کی افسوسناک خبر مداحوں کے ساتھ شیئر کی ۔
متھیرا نے مداحوں سے اپنے والد کے لئے دعاؤں کی درخواست کی ۔
متھیرا کا اپنی پوسٹ میں والد کے حوالے سے کہنا تھا کہ میرا پہلا پیار، میرا دوست، میرا یقین، میرے والد بہت جلد اوپر چلے گئے ہیں۔
اداکارہ نے اپنی پوسٹ میں لکھا کہ میں آپ کو بہت مس کر رہی ہوں لیکن مجھے امید ہے کہ آپ بہتر جگہ پر ہوں گے۔
اداکارہ کا مزید کہنا تھا کہ اگر آنسووں سے آپ واپس آسکتے تو ابھی آپ زندہ ہوتے لیکن ہمارے پاس زندگی دینے کی کوئی طاقت نہیں ہے، بابا میں آپ سے دوبارہ ملنے تک آپ کے لیے دعائیں کرتی رہوں گی۔
