لاہور: سابق وزیراعظم نواز شریف نے کہا ہے کہ عوام انتخابات میں منفی سیاست کرنے والوں کو مسترد کردیں گے۔سابق وزیراعظم نوازشریف نے کارکنوں اور پارٹی عہدیداروں کو عام انتخابات کیلئے بھرپورتیاری اور کمر کس لینے کی ہدایت کردی۔
سابق وزیر اعظم نواز شریف نے جاتی امرا میں اپنی رہائش گاہ پر مختلف شہروں سے آنے والے رہنماوں اور کارکنوں سے ملاقات کی۔پارٹی عہدیداروں سے ملاقات میں سابق وزیراعظم نوازشریف نے رہنماوں اور کارکنوں کو مخالفین کوغیر اخلاقی جواب دینے سے روک دیا۔ نواز شریف نے کہا کہ آئندہ انتخابات میں عوام منفی سیاست کرنیوالوں کو خود مسترد کر دیں گے ۔ واضح رہے کہ نیب ریفرنس کیسز میں نوازشریف اپنی بیٹی کے ہمراہ کل اسلام آباد کی احتساب عدالت میں بھی پیش ہوں گے۔
