جمعیت علما اسلام کے سربراہ مولانا فضل الرحمن نے کہا ہے کہ امریکہ پاکستان میں سیاسی اور خونی تقسیم چاہتا ہے جس سے ہر حال میں نکلنا ہمارے لئے ضروری ہے
پریس کانفرنس سے خطاب کرتے ہوئے مولانا فضل الرحمن نے کہا کہ پاکستانی ادارے کلبھوشن کے معاملے کو دیکھ رہے ہیں ان پر اعتماد کرنا چاہئے اور وہ اس معاملے کو بہتر طور پر حل کریں گے۔ بھارت کو اس بات کی پیشکش بھی کی گئی کہ کلبھوشن کی فیملی ان سے ملنے کیلئے آ سکتی ہے۔
انہوں نے مزید کہا کہ خطے کے حالات لمحہ فکریہ ہیں مگر ہم داخلی انتشار کا شکار ہیں ۔ امریکہ خطے میںطاقت کی نئی دوڑ شروع کرنے میں کوشاں ہیں جبکہ اس وقت ہمیں ان سازشوں کو سمجھنے کی کوشش کرنی چاہیے کہ کس طرح سے ہم خطے کے معاملات کو سمجھ سکتے ہیں۔ ہم سب مل بیٹھ کر کھلے دل سے مسائل کا
حل سوچیں گے تو ہمیں حل ملے گی ۔انہوں نے کہا کہ امریکہ سیاسی اور خونی تقسیم چاہتا ہے ۔
انہوں نے مزید کہا کہ بھارت کشمیریوں کو حق دینے کو تیار نہیں اور ان کے پاس یہی ایک واحد حل ہے کہ وہ کشمیریوں کو ان کا بنیادی حق دے۔
