لاہور: پاکستان کرکٹ بورڈ (پی سی بی) کے چیئرمین رمیز راجہ نے سہ ملکی ٹی 20 ٹورنامنٹ کے فائنل میں کامیابی حاصل کرنے پر کھلاڑیوں کو مبارکباد پیش کرتے ہوئے کہا کہ بہترین حکمت عملی ، ذہانت اور تحمل کا مظاہرہ کرکے قومی ٹیم فائنل جیتنے میں کامیاب ہوئی ۔
Method , flair and temperament! Great win Pakistan.
— Ramiz Raja (@iramizraja) October 14, 2022
سہ ملکی ٹی 20 ٹورنامنٹ کے فائنل میں گرین شرٹس نے 164 رنز کا ہدف 5 وکٹوں کے نقصان پر حاصل کیا ۔ محمد نواز نے 38 ، افتخار احمد نے 25 رنز کی ناقابل شکست اننگز کھیلی ۔ ٹیم کے باقی کھلاڑیوں میں رضوان 34 ، کپتان بابراعظم 15 ، حیدر علی 31 جبکہ شان مسعود 19 رنز بنا کر آؤٹ ہوئے ۔
دوسری جانب ، قومی ٹیم کی کامیابی پر تبصرہ کرتے ہوئے لیجنڈ کرکٹر وسیم اکرم کا کہنا تھا کہ ورلڈ کپ کے لئے پاکستان کی ٹیم منتخب ہو چکی ہے ۔ مڈل آرڈر کے کچھ مسائل سامنے آئے ، جب ورلڈ کپ شروع ہوگا ٹیم میں اعتماد آجائے گا ، امید ہے ٹیم اچھی کارکردگی دکھائے گی ۔