گیس کی قیمتوں میں اضافہ ناگزیر ہے، چیئر پرسن اوگرا

گیس کی قیمتوں میں اضافہ ناگزیر ہے، چیئر پرسن اوگرا
گیس کی قیمت خرید میں اضافہ ہوا ہے اور 2 سال سے گیس کی قیمتیں نہیں بڑھ سکیں، چیئر پرسن اوگرا۔۔۔۔۔۔فوٹو/ بشکریہ فیس بُک

لاہور: چیئرپرسن اوگرا عظمی عادل کا کہنا ہے سوئی گیس کی قیمتوں میں اضافہ ناگزیر ہے جو 75 سے 80 فیصد ہوسکتا ہے اور نئی قیمتوں کا اطلاق یکم جولائی سے ہوگا۔


چیئر پرسن اوگرا عظمی عادل نے میڈیا سے گفتگو کرتے ہوئے کہا گیس کی قیمت خرید میں اضافہ ہوا ہے اور 2 سال سے گیس کی قیمتیں نہیں بڑھ سکیں۔  قیمت خرید اور فروخت میں فرق بڑھ گیا ہے اور 723 روپے فی ایم ایم بی ٹی یو گیس کی قیمت میں اضافہ مانگا گیا ہے۔

انہوں نے کہا سوئی نادرن کے غیر ضروری اخراجات کو نہیں مانا جائے گا اور ڈالر کی قیمت بڑھنا بھی ایک فیکٹر ہے۔ ایس این جی پی ایل کے دیوالیہ ہونے کا مکان نہیں اور حکومت ایسی کمپنیوں کو دیوالیہ نہیں ہونے دیتی۔

عظمی عادل نے مزید کہا سردیوں میں اوور بلنگ کی وجہ چوتھا سلیب ریٹ اور پریشر فیکٹر تھا اور کسی کو معاہدے سے ہٹ کر پریشر لگا ہے تو اسے ریفنڈ ملے گا۔ اوور بلنگ کے ذمہ داروں کا تعین وزیراعظم کی کمیٹی کریگی۔