ملک کے تمام ائیر پورٹس پر اہم شخصیات کو پروٹوکول دینے پر پابندی عائد

 ملک کے تمام ائیر پورٹس پر اہم شخصیات کو پروٹوکول دینے پر پابندی عائد

اسلام آباد: حکومت نے ملک کے تمام ائیر پورٹس پر اہم شخصیات کو پروٹوکول دینے پر پابندی لگا دی ہے، اس ضمن میں ملک بھر کے ایف آئی اے  زونز   کو انتباہ کیا گیا ہے کہ وفاقی ادارے کا کوئی بھی افسر ہوائی اڈے کے کسی بھی کاؤنٹر پر مسافر کو پروٹوکول نہیں دے گا۔


میڈیا رپورٹس کے مطابق حکومت نے ملک کے تمام ائیر پورٹس پر اہم شخصیات کو پروٹوکول دینے پر پابندی لگا دی ہے جبکہ اس ضمن میں ملک بھر کے ایف آئی اے زونز کو خط میں انتباہ کیا گیا ہے کہ اگر کوئی بھی افسر کسی کاؤنٹر پر مسافر کو پروٹوکول دیتا ہوا دکھائی دیا تو اس کے خلاف کارروائی کی جائے گی۔

ڈائریکٹر امیگریشن کی جانب سے جاری کردہ ہدایات میں کہا گیا ہے کہ امیگریشن کاؤنٹرز کو سی سی ٹی وی کیمروں کی مدد سے لازمی مانیٹر  کیا جائے اور  اگر کوئی افسر کسی کاؤنٹر   پر  پروٹوکول دیتا پایا گیا تو امیگریشن کے عملے کو معطل کردیا جائے گا جب کہ عملے اور شفٹ انچارج کے خلاف بھی سخت کارروائی کی جائے گی جبکہ بیرون ملک جانے والے مسافروں کو ہراساں کرنے پر بھی کارروائی کا عندیہ دیا گیا ہے۔

حکام کا کہنا ہے کہ پروٹوکول پر پابندی وزارت داخلہ کے حکم پر لگائی گئی ہے۔

نیوویب ڈیسک< News Source