ڈی جی آئی ایس پی آر کو ہلال امتیاز ملٹری سے نوازا گیا

ڈی جی آئی ایس پی آر کو ہلال امتیاز ملٹری سے نوازا گیا
صدر مملکت کی جانب سے 2 افسران کو ستارہ بسالت سے اور 59 افسران و جوانوں کو تمغہ بسالت سے نواز گیا۔۔۔فائل فوٹو

اسلام آباد: صدر مملکت ممنون حسین نے تینوں مسلح افواج کے افسران و جوانوں کے لیے فوجی اعزازات کا اعلان کیا۔ ڈی جی آئی ایس پی آر میجر جنرل آصف غفور کو ہلال امتیاز ملٹری سے نوازا گیا۔


پاک فوج کے شعبہ تعلقات عامہ (آئی ایس پی آر) کے مطابق صدر مملکت ممنون حسین کی جانب سے 2 افسران کو ستارہ بسالت سے اور 59 افسران و جوانوں کو تمغہ بسالت سے نواز گیا۔ 17  افسران کو ہلال امتیاز ملٹری سے نواز گیا جن میں آئی ایس پی آر کے ڈائریکٹر جنرل میجر جنرل آصف غفور کا نام بھی شامل ہے۔

 مزید پڑھیں: پی ٹی آئی کے رکن پنجاب اسمبلی غلام عباس کھاکھی انتقال کر گئے

77 افسران کو ستارہ امتیاز سے نوازا گیا، 106 افسران و جوانوں کو تمغہ امتیاز ملٹری سے نوازا گیا جبکہ 34 افسران و جوانوں کے لیے امتیازی اسناد کا اعلان کیا گیا۔

ستارہ بسالت کا اعزاز پانے والوں میں کرنل سہیل عابد شہید، صوبیدار شوکت خان شہید شامل ہیں۔ ملٹری ایوارڈ حاصل کرنے والوں میں پاکستان آرمی، نیوی اور پاک فضائیہ کے افسران اور جوان شامل ہیں۔

 

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں