اسلام آباد : وزیراعظم عمران خان کو ترک صدر رجب طیب اردوان نے ٹیلی فون کیا ہے۔ ٹیلی فونک گفتگو میں افغانستان کی صورتحال پر تبادلہ خیال کیا گیا۔
نیو نیوز کے مطابق وزیراعظم عمران خان نے کہا کہ پاکستان افغانستان میں موجود سفارتی عملے اور بین الاقوامی اداروں کے عملے اور دیگر افراد کے انخلا میں سہولت فراہم کر رہا ہے۔
وزیر اعظم نے افغان صورتحال بہتربنانے کے لیے ہر ممکن تعاون کا اعادہ کیا ۔اورکہا کہ کل قومی سلامتی کمیٹی کا اجلاس طلب کیا ہے جس میں افغان صورتحال کا جائزہ لیں گے۔
