"نیونیوتازہ ترین" 

اسلام آباد: پاکستان تحریک انصاف کی سرگرم رہنما سلونی بخاری انتقال کرگئیں۔
تفصیلات کے مطابق پاکستان تحریک انصاف وومین ونگ پنجاب کی صدر سیدہ سلونی بخاری آج (جمعہ کو) صبح اچانک انتقال کرگئی ہیں۔ ان کے انتقال پر پی ٹی آئی کارکنوں میں سوگ کی کیفیت پھیل گئی ہے اور کارکنان سوشل میڈیا پر اپنے جذبات کا اظہار کر رہے ہیں۔ سلونی بخاری کی نماز جنازہ بعد از نماز عصر ان کی رہائش گاہ 63 ایل گلبرگ تھری لاہور میں ادا کی جائے گی۔

 

پی ٹی آئی رہنما عندلیب عباس نے سلونی بخاری کے انتقال پر سخت افسوس کا اظہار کیا ہے۔ انہوں نے ٹوئٹر پر لکھا ” افسوس، افسوس ، افسوس، پی ٹی آئی کی بنیاد رکھنے والی ، پاکستان سے محبت کرنے والی اور بہت ہی حیران کن انسان سلونی بخاری آج ہمیں چھوڑ گئیں، لیکن ان کی مسکراہٹ، حوصلہ اور قربانیاں ہمیشہ دوسروں کیلئے مشعل راہ رہیں گی‘۔