نئی دہلی:بھارت میں آج کل شادیوں کا سیزن ہے اور آئے دنوں کسی نہ کسی معروف شخصیت کی شادی ہورہی ہے ۔
معروف بزنس مین مکیش امبانی کی بیٹی ایشیا امبانی کی مہنگی ترین شادی کے بعد بھارت کے دو مشہوربیڈمنٹن سٹار سائنا نہوال اور پی کشیپ نے انتہائی سادگی سے شادی کرلی ہے۔
بھارتی میڈیا رپورٹ کے مطابق سائنا نہوال اورپی کشیپ نے انتہائی سادگی کے ساتھ حیدر آباد میں شادی کرلی ہے۔دونوں بھارتی سٹار کھلاڑیوں کی شادی کی انتہائی مختصر تقریب حیدر آباد میں منعقد ہوئی جہاں دونوں خاندانوں کے قریبی افراد نے شرکت کی۔
096c0efc966253c2ba500f63bc3b9588
سائنا نہوال اور پی کشیپ نے شادی دھوم دھڑکے سے کانے کے بجائے سادگی سے کرکے حیران کردیا ہے۔سائنا نہوال نے شادی کے بعد اپنی تصویریں سوشل میڈیا پر شیئر کرتے ہوئے لکھا کہ ’میری زندگی کا سب سے اچھا میچ ‘۔
a0b3b1454f2e7b80096807668c4fc469
خیال رہے کہ سائنا نہوال اور پی کشیپ 10 سال سے ایک دوسرے کے ساتھ ریلیشن میں تھے تاہم دونوں نے کبھی بھی اپنے تعلقات کے حوالے سے ’اقرار نہیں کیا تھا لیکن وہ یہ ضرور اعتراف کرتے تھے کہ ہم دونوں دوست اور پریکٹس پارٹنر ہیں۔
