لاہور: پاکستان سپر لیگ (پی ایس ایل) 7 میں ملتان سلطانز کی نمائندگی کرنے والے قومی کرکٹر صہیب مقصود کے ہاں بیٹی کی پیدائش ہوئی ہے۔
صہیب مقصود نے مداحوں کو یہ خوشخبری سماجی رابطوں کی ویب سائٹ ٹوئٹر پر جاری پیغام کے ذریعے سنائی اور لکھا ’اللہ نے مجھے اپنی رحمت (انشا صہیب) سے نوازا ہے۔ میں اپنی ٹیم کو جوائن کرنے کیلئے واپس لاہور جا رہا ہوں۔‘
واضح رہے کہ صہیب مقصود آج سے تین روزہ قرنطینہ مکمل کریں گے اور اس دوران کورونا وائرس کا ٹیسٹ بھی کیا جائے گا جس کی رپورٹ منفی آنے کی صورت میں وہ قرنطینہ مکمل کرنے کے بعد سلیکشن کیلئے دستیاب ہوں گے۔
