ورلڈ کپ میں آج دو میچ کھیلے جائیں گے

ورلڈ کپ میں آج دو میچ کھیلے جائیں گے

لندن: ورلڈکپ میں آج دو میچ کھیلے جائینگے اور آسٹریلیا ،سری لنکا ،جنوبی افریقہ اور افغانستان کی ٹیمیں مدمقابل ہونگی۔


تفصیلات کے مطابق اوول گراؤنڈ میں پہلا میچ آسٹریلیا اور سری لنکا کے درمیان ہوگا، میچ پاکستانی وقت کے مطابق دوپہر اڑھائی بجے شروع ہوگا۔ایونٹ کے دوسرے میچ میں جنوبی افریقہ اور افغانستان کی ٹیموں کے درمیان کارڈف ویلز اسٹیڈیم میں مقابلہ ہوگا، میچ پاکستانی وقت کے مطابق شام ساڑھے پانچ بجے شروع ہوگا۔

آئی سی سی ورلڈکپ میں آسٹریلیا نے چار میچز میں سے تین میں کامیابی حاصل کی جبکہ سری لنکا اب تک چار میچز میں سے ایک میں ہی میچ جیت سکی ہے۔دوسری جانب جنوبی افریقہ اور افغانستان اب تک 4 میچز کھیل چکی ہیں اور چاروں میں دونوں کو شکست کا سامنا کرنا پڑا ہے۔پوائنٹ سکورنگ ٹیبل پر اس وقت آسٹریلیا تیسرے جبکہ سری لنکا پانچویں نمبر پر ہے۔

جنوبی افریقہ نویں اور افغانستان کی ٹیم دسویں نمبر پر ہے۔خیال رہے کہ آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

ایونٹ میں دفاعی چیمپئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔