48گھنٹوں میں پنجاب اور خیبر پختونخواہ کے مختلف علاقوں میں بارش کا امکان ،محکمہ موسمیات

48گھنٹوں میں پنجاب اور خیبر پختونخواہ کے مختلف علاقوں میں بارش کا امکان ،محکمہ موسمیات

اسلام آباد: محکمہ موسمیات نے آج بھی ملک کے بیشتر علاقوں میں موسم گرم اور خشک رہنے کی پیشن گوئی کرتے ہوئے کہا ہے کہ آئندہ 24گھنٹوں کے دوران خیبرپختونخواہ، فاٹا، کشمیر، گلگت بلتستان، بالائی پنجاب، اسلام آباد میں کہیں کہیں جبکہ کوئٹہ،ژوب، قلات، ملتان، ڈی جی خان، بہاولپور ڈویژن میں چند مقامات پر تیز ہواﺅں/آندھی اور گرج چمک کے ساتھ بارش کا امکان ہے۔


فورکاسٹنگ آفیسر راشد بلال کے مطابق اگلے 2روز کے دوران خیبرپختونخواہ، فاٹا، کشمیر، گلگت بلتستان، بالائی پنجاب، اسلام آباد میں کہیں کہیں جبکہ کوئٹہ،ژوب، قلات، ملتان، ڈی جی خان، بہاولپور ڈویژن میں چند مقامات پر تیز ہواﺅں/آندھی اور گرج چمک کے ساتھ بارش کا امکان ہے ۔ اس کے علاوہ ملک کے دیگر علاقوں میں موسم گرم اور خشک رہے گا۔

گزشتہ روز ملک کے بیشتر علاقوں میں موسم گرم اور خشک رہا تاہم مالاکنڈ ڈویژن، اسلام آباد اور کشمیرمیں چند مقامات پر تیزہواﺅں/آندھی اور گرج چمک کیساتھ بارش ہوئی۔ سب سے زیادہ بارش چراٹ میں11، دیر03، پنجاب: اسلام آباد 08، کشمیر: مظفر آباد03، گڑھی دوپٹہ میں02 ملی میٹر ریکارڈ کی گئی۔

راشد بلال نے مزید بتایا کہ گزشتہ روز ریکارڈ کیے گئے گرم ترین مقامات کے درجہ حرارت کے مطابق دادو، لاڑکانہ میں47، بھکر، سکھر46، جیکب آباد، سبی، بہاولنگر، رحیم یار خان، موہنجوداڑو، نورپورتھل45جبکہ آج لاہور میں زیادہ سے زیادہ 42، اسلام آباد 39، کراچی 35، پشاور 40، کوئٹہ 32،گلگت 33اور چترال میں 28ڈگری سینٹی گریڈ تک رہنے کا امکان ہے ۔