لاہور: پاکستان میں کورونا سے مزید 83 افراد انتقال کر گئے جس کے بعد جاں بحق افراد کی تعداد 19 ہزار 467 ہوگئی ۔
ایس او پیز پر عملدرآمد کے نتیجے میں کورونا کیسز میں کمی آنے لگی ، 24 گھنٹے میں ایک ہزار 531 افراد میں وائرس کی تصدیق ہوئی ، ملک بھر میں 30 ہزار 248 ٹیسٹ کئے گئے ۔
نیشنل کمانڈ اینڈ آپریشن سینٹر کے مطابق کورونا ٹیسٹ مثبت آنے کی شرح 5.06 فیصد رہی ، 2 چھٹیوں کے بعد پنجاب میں کورونا ویکسی نیشن سینٹر آج سے دوبارہ کھل جائیں گے ۔
واضح رہے کہ گزشتہ روز این سی او سی نے کہا تھا کہ پاکستان میں کوروبا صورتحال میں بہتری آنے لگی ، عید کے دوسرے دن کورونا سے 48 اموات ہوئی ہیں جبکہ 2517 نئے کیسز رپورٹ ہوئے، جس کے بعد کورونا سے انتقال کرنے والوں کی تعداد 19ہزار 384 ہوگئی۔
پاکستان میں کورونا کے پھیلاؤ کو روکنے کیلیے حکومتی حکمت عملی کے ثمرات نظر آنے لگے ، تیسری لہر میں کرونا کے مریضوں اور اموات کمی ریکارڈ کی گئی۔
نیشنل کمانڈ اینڈ آپریشن سینٹر نے کورونا صورتحال کے تازہ اعدادو شمار جاری کردئے ہیں ، جس میں بتایا گیا ہے کہ ملک میں 24 گھنٹے میں کورونا کے مزید 48 مریض انتقال کر گئے، جس سے کورونا سے انتقال کرنے والوں کی تعداد 19ہزار 384 ہوگئی۔
این سی او سی کا کہنا ہے کہ 24گھنٹےمیں30ہزار700کوروناٹیسٹ کیےگئے، جس میں سے کورونا کے 2ہزار517 نئے کیسزسامنےآئے، اس دوران کورونا کے ٹیسٹ مثبت آنے کی شرح 8.19 فیصد رہی۔
نیشنل کمانڈ اینڈ آپریشن سینٹر نے بتایا کہ پاکستان میں کرونا کے ایکٹو کیسز کی تعداد 77 ہزار 569 تک پہنچ گئی ہے، پنجاب میں 3 لاکھ 24 ہزار 106، سندھ 2 لاکھ 96 ہزار364 اور خیبرپختونخوا میں ایک لاکھ 26 ہزار 403 کورونا مریض موجود ہیں، بلوچستان 23 ہزار778 جبکہ گلگت بلتستان میں 5 ہزار 414 کورونا کیسز رپورٹ ہوئے ہیں۔
