اسلام آباد:افغانستان میں ایس پی طاہر داوڑ کی شہادت کے بعد جہاں وزیر اعظم عمران خان کی جانب سے نوٹس لیا گیا ہے اور تحقیقات کی ہدایت کی گئی ہیں تو وہیں وفاقی وزیر برائے انسانی حقوق ڈاکٹر شیریں مزاری کی بیٹی ایمان مزاری نے پاک فوج کو تنقید کانشانہ بناڈالا ہے۔
تفصیلات کے مطابق سماجی رابطے کی ویب سائٹ ٹوئٹر کا سہار ا لیتے ہوئے ایمان مزاری نے ایک مرتبہ پھر پاک فوج کو تنقید کا نشانہ بنایا اور لکھا کہ لوگوں کو غائب کردیا جاتا ہے لیکن ریاست خاموش ہے۔
7526dc6594b0f62b8b44da0384ee9828
آسیہ بی بی اپنے ہی گھرنہیں جاسکتی ، وزیروں کو گولیاں مار کر قتل کردیا جاتا ہے، سیاستدانوں کے بچوں کو اغوا کرلیا جاتا ہے لیکن اگر آئی ایس پی آر کے ترجمان موٹر سائیکل پر بیٹھ کر جاتے ہیں تو کیا ہم اس بات کی تحسین کریں کہ ہم محفوظ ہیں؟ حقیقت سے نظریں چرا لینے سے حقیقت بدل نہیں جاتی۔
خیال رہے کہ ایمان مزاری سے قبل بھی پاک فوج کو تنقیدکا نشانہ بناتی رہی ہیں۔
