راولپنڈی : سابق وزیر داخلہ شیخ رشید احمد نے کہا ہے کہ حکمرانوں میں اتنی جرات نہیں کہ پنڈی کو آنکھیں دکھا سکیں۔ میں 15 دن تک صرف ٹویٹر پر رہوں گا۔
شیخ رشید احمد نے اپنے ٹویٹ میں کہا کہ 6 ماہ اسمبلی کا کورم پورانہیں ہوا ۔ اپنی ذات کےلیے نیب ترامیم کیسے پاس کرا لیں ؟ ارشدشریف کے جسم پر12زخم اور4ناخن غائب یہ قومی المیہ ہے۔
6ماہ اسمبلی کاکورم پورانہیں ہوااپنی ذات کےلیےنیب ترامیم کیسےپاس کرا لیں ارشدشریف کےجسم پر12زخم اور4ناخن غائب یہ قومی المیہ ہےقوم پہلےہی مہنگائی سےمررہی ہےجوہزاروں کی نفری باہر سےمنگوائی وہ سردی سےمررہی ہےمعیشت ناک آوٹ اوردیوالیہ ہونےوالی ہےمزیدایک کروڑلوگ غربت کےشکنجےمیں آگئے ہیں
— Sheikh Rashid Ahmed (@ShkhRasheed) November 15, 2022
انہوں نے کہا کہ قوم پہلے ہی مہنگائی سے مر رہی ہے جو ہزاروں کی نفری باہر سے منگوائی وہ سردی سے مر رہی ہے۔ معیشت ناک آؤٹ اوردیوالیہ ہونےوالی ہے۔ مزیدایک کروڑلوگ غربت کےشکنجےمیں آگئے ہیں۔
شیخ رشید احمد نے کہا کہ آئی ایم ایف نے گریبان سے پکڑ لیاہے۔حکمرانوں نے سعودی عرب اور چین کا نام بے جا استعمال کیا۔ روس سے تیل منگوانے کے لیے حوصلہ چاہیے۔ حکمران راولپنڈی کو آنکھیں دکھانے کے قابل نہیں ہیں۔ مسئلہ پنڈی کا ہے ۔ پنڈی والے30نومبرتک حل کرلیں گے۔سیٹ بیلٹ باندھ لیں،احتساب انتخاب دونوں ہونگےمزید 15دن ٹویٹرپرہوں۔