لاہور: اسکینڈلز کی وجہ سے خبروں میں اِن رہنے والی پاکستانی فلم سٹار میرا ٹوئٹر پر بھی خاصی فعال ہیں۔وہ کبھی سیاست کے حوالے سے پرجوش بیانات جاری کرتی نظر آتی ہیں تو کبھی دوسری اداکاراو¿ں پر تنقید کرتی ہیں، تاہم اس بات ان کی ایک ٹویٹ نے مداحوں کو حیران کردیا۔
میرا کی یہ ٹویٹ کسی اور کے بارے میں نہیں بلکہ بولی وڈ کے کنگ اور دنیا بھر میں شہرت حاصل کرنے والے اداکار شاہ رخ خان کے حوالے سے ہے۔شاہ رخ خان کے ساتھ ہر اداکارہ کام کرنے کی خواہشمند ہے، تاہم میرا کا دعویٰ ہے کہ وہ جب چاہیں شاہ رخ خان کے ساتھ کام کرسکتی ہیں اور اس کا فیصلہ بھی وہ خود ہی کریں گی۔
I was once asked by an LA Times reporter - if you are a super star when will @iamSRK act with you ? I said No price is too high to pay for the privilege of owning yourself. I own myself and I will determine when I want to act with him.
— Meera (@TheMeeraJee) September 12, 2018
اپنی ٹویٹ میں ماضی کا ایک قصہ بتاتے ہوئے میرا نے لکھا کہ ’ایک مرتبہ لاس اینجلس میں ایل اے ٹائمز کے رپورٹر نے مجھ سے سوال کیا کہ اگر آپ ایک سپر اسٹار ہیں تو شاہ رخ خان کب آپ کے ساتھ کام کریں گے؟ جس پر میں نے کہا کہ خود ہی فیصلہ کروں گی کہ مجھے شاہ رخ خان کے ساتھ کب کام کرنا ہے‘۔
اس ٹویٹ کے بعد کچھ صارفین نے میرا کا مذاق اڑایا، جبکہ کچھ نے ان کی انگریزی کی تعریف بھی کی۔جبکہ متعدد افراد نے میرا کو تنقید کا نشانہ بناتے ہوئے اس ٹویٹ کو پبلسٹی اسٹنٹ قرار دیا۔
