میوزک اور ڈانس پارٹی میں شرکت پر راولپنڈی پولیس افسر معطل

میوزک اور ڈانس پارٹی میں شرکت پر راولپنڈی پولیس افسر معطل

راولپنڈی :  ڈانس اور میوزک پارٹی میں شرکت پر راولپنڈی ون فائیو کے انچارج خدمت مرکز سب انسپکٹر فضل اکبر کو معطل کردیا گیا ۔ 

 سی پی او راولپنڈی احسن یونس نے وائرل ویڈیو پر نوٹس لے لیا۔

ترجمان پولیس کے مطابق انچارج خدمت مرکز سب انسپکٹر فضل اکبر کو معطل کرکے لائن تبدیل کردیا اور انکوائری کا حکام دے دیا گیا۔ ادھر سب انسپکٹر کا موقف ہے کہ ویڈو دو سال پرانی شادی کی تقریب کی ہے۔

 پولیس نے بیان میں کہا کہ سینئیر افسران کی جانب سے معاملہ کا نوٹس لیتے ہوئے انکوائری کے احکامات جاری کیے گئے ہیں، ویڈیو میں موجود آفیشلز کی شناخت راولپنڈی پولیس کے حوالے سے سامنے آئی تومحکمانہ تشخص و وقار کو مجروح کرنے والوں کے خلاف خود احتسابی کی پالیسی کے تحت کاروائی کو یقینی بنایا جائے گا۔